خلى كل يوم تجربة مختلفة
WiMATE بيقدملك مميزات مختلفة هتظبطك أكتر من أي جهاز رياضي وهيكون موجود معاك في أي جزء في يومك.
عشان احنا فاهمين يومك مليان ازاى, السمارت براند بتوفرلك حلول ذكية طول اليوم و كل يوم و بسعر مناسب جداً
تصميم مذهل: رفيع, مريح و يعيش معاك
التجربة الى هتعيشها هى كل حاجة بالنسبة لينا عشان كدة التصميم عندنا هو الأساس. موجود منها رصاصى شيك, باذنجانى! كاكى و أسود كل ده و معاه أستيك شيك جداً من الأستانليس و غلاف رفيع 8.9 مم. استمتع خالص بقى بالأستيك الى ممكن تتحكم فى حجمه و بالغلاف الطبى الألمونيوم الى يستحمل معاك أصعب الظروف. يعنى هتكون جاهز علطول و دايماً عشان السمارت براند مضادة للمياه, المطر , العرق و حتى الطراب و معاها شهادة بكدة (IP67)
اتصنّف!
إعتمد على الوي مات في الوصول للإشعارات الجديدة، المكالمات، المنبه والساعة، الرسايل والإيميلات، وإشعارات التطبيقات اللي على الموبايل زي الفيسبوك، تويتر، واتساب، أو سكايب.مش هتحتاج تدور على موبايلك في جيبك أو في شنطتك تاني، هتوصلك كل حاجة على الوي ميت!
بفضل تكنولوجيا البلوتوث الذكي 4.0، مش هتتعب خالص عشان تدور، على موبايلك! لمسة واحدة للوي ميت وهتعرف مكانه على طول!
مراقبة معدل ضربات القلب دايماً
بدل الأجهزة المتعبة، وي ميت هتقيسلك معدل ضربات القلب عندك باستمرار طول اليوم باستخدام تكنولوجيا الـPPG. ده هيساعدك تحسب بدقة وبسهولة جداً تحسب معدل حرق السعرات الحرارية بتاعك عشان تقدر تظبط تمرينك وتفضل في الفورمة!
مش للإستعمال الطبي*
وي ميت هي مدربك الذكي اللي هيفضل مراقبك ومساعدك تفضل على الطريق الصح لحياة صحية.
عمر بطارية طويييل
بطل يومك اللي عمره ما هيخذلك! بطارية هتعيش لحد 5 أيام عملناها لك مخصوص عشان الفرهدة وعشان تكمل معاك طول السكة!
تطبيق ويكو مبدع و معمول ليك مخصوص
تطبيق ويكو هيوفرلك كل اللي هتحتاجه عشان تحافظ على أداء وسرعة موبايلك وهيتخلص من الحاجات اللي مالهاش لازمة.
ماتشيلش هم تشغيل التطبيق، تطبيق ويكو سهل جداً في تنزيله وفي التعامل معاه!
تطبيق ويكو بيشتغل عن طريق تتبّع كل فعاليات يومك ومراقبة حركتك ونومك. هنوفرلك معلوماتك وبياناتك تحت إيدك في أي وقت.
آراء الناس وكده
شيك وبتعمل كل حاجة!
وي ميت غطى كل احتياجاتي كجهاز بيتابع لياقتي و صحتي زي مدربي الخاص. اتفاجئت جداً بإمكانيات الوي ميت، زي قراية الرسايل والمراقبة المستمرة لمعدل ضربات القلب ومراقبة النوم، كل ده بسعر مناسب جداً! وي ميت شيك وظريفة وبتمشي مع أي مكان أو لبس، في التمرين، في الشغل، أو في خروجة مع صحابي. وي ميت مناسبة جداً لاحتياجاتي ولميزانيتي. من الوي ميت للموبايل، ويكو سهل جداً في الاستخدام و دايماً كان بيشجعني أراقب نفسي وأشوف معدلاتي بتزيد.
مدرب جامد عشان يرجعك للفورمة.
في أوائل العشرينات، كنت مدمن رياضة، كنت متعود أسبح مرتين في الأسبوع، أجري 3 مرات في الأسبوع، ألعب شوية كورة يوم التلات بالليل، وتنس يوم الحد الصبح. قررت مؤخراً أبدأ أرجع في الفورمة تاني وبدأت أرجع العادات الصحيّة بتاعتي. وي ميت كانت أداة مؤثرة جداً في النظام الغذائي الجديد بتاعي، بمشي في المنطقة و بتبسط جداً لما ألاقي نفسي مشيت 7000 خطوة. بدأت ألعب يوجا و شوية رفع أوزان على خفيف كده، كل ده وأنا براقب معدلاتي و بتقدم. لأ وكمان قدرت أظبط نومي مع وي ميت وحاسس إني رجعت زي زمان. قررت أجيب وي ميت لصاحبتي عشان الكريسماس وشايفها هتبقى هدية مناسبة جداً لطموحاتنا الرياضية للسنة الجديدة.
دايماً متابع
الأسبوع اللي فات بدأت تدريب في الشغل بتاعي. كانت مهمتي إني أزور عملاء الشركة الرئيسيين وأقابلهم عشان أعمل معاهم إستطلاع. وي ميت كانت بتساعدني و بتفكرني بكل مواعيدي وأماكنها. ساعات لما بكون في اجتماع، عميل تاني بيتصل أو يبعت إيميل عشان يغير أو يلغي معاد المقابلة، وي ميت كانت بتساعدني أتعامل في الحالات دي باحترافية جداً. كمان لما أقدر أقرا الرسالة في ساعتها بقدر أظبط مواعيدي وأعيد تظبيط جدولي بدقة. مرة واحد صاحبي بعتلي رسالة على الواتساب بيقولي ننزل نتغدا مع بعض، وقدرت أروح فعلاً عشان قدرت أعرف إن المعاد اللي كان عندي اتلغى في آخر لحظة. مع وي ميت بقدر أشوف إشعارات الفيسبوك و تويتر وأنا في المواصلات. وي ميت مناسبة لحياتي جداً و بحس بثقة واحترافية وأنا لابسها.
خليك رايق
وي ميت هي فعلاً بطل يومي. بقدر أقرا إشعارات فيسبوك و واتساب وتويتر كمان من على دراعي! مش بنام كويس أيام الامتحانات، بس موضوع لطيف جداً إني بقدر أعرف معدل نومي الأسبوعي. والألطف كمان لما أنام شوية ساعات زيادة في أيام الأجازة وأقدر أعرف أنا نمت كام ساعة زيادة. بحب كمان أعد خدت كام خطوة بالظبط عشان أروح للسينما أو وأنا بتمشى جوا المول. عمري ما بفوت مكالمة بسبب وي ميت اللي معايا في كل مكان.
ساعات لما مش بلاقي موبايلي، أو لما ببقى عايزة أتسلى، بدوس بس على الوي ميت عشان أسمع الموبايل بيرن. وي ميت موجودة بألوان حلوة جداً و جديدة، أختي عندها البنفسجي وأنا عندي الكاكي.
Skype™ is a trade mark of Skype and Wiko is not affiliated, sponsored, authorised or otherwise associated by/with the Skype group of companies.
HealthKit is a trademark of Apple Inc.
© 2015 Google Inc. All rights reserved. Google Fit is a trademark of Google Inc.
The Bluetooth® word mark and logos are registered trademarks owned by Bluetooth SIG, Inc., and any use of such marks by Wiko Mobile is under license. Other trademarks and trade names are those of their respective owners.